Физика мұғалімдеріне арналған онлайн академия
Олимпиада есептері, әдістеме, заманауи физика және жаңа бағыт — физиканы ағылшын тілінде оқыту. Тәжірибелі мұғалім, олимпиада қазысы және CERN түлегі Ғалымбек Ташевтен. Онлайн, Қазақстанның кез келген нүктесінен.
Қош келдіңіз
Курстар
25–31 қазан 2026 · 14:00
Физика мұғалімдеріне арналған 7 күндік онлайн курс. Үш блок — механика есебін ағылшынша түсіндіру, графиктер және зертханалық жұмыс. Әр сабақта сөйлейсіз, сыныпта бірден қолданатын дайын сөйлем үлгілерін аласыз.
25–31 қазан 2026 · 10:00
10-сынып, 2-тоқсан. Физика мұғалімдеріне арналған 7 күндік онлайн курс: тақырыпты негіздерінен бастап, әр формуланы өзіміз қорытып шығарамыз және есептерді қарапайымнан күрделіге дейін бірге шығарамыз.
Неге fiziqaz academy
Олимпиада есептерін шешімнің логикасынан бағалау критерийлеріне дейін талдаймыз, әдістемені де қарастырамыз. Бәрі — ертең сыныпта қолданылатындай.
Назарбаев Зияткерлік мектептері, халықаралық мектептер және шетелдік оқушылармен жұмыс үшін. CLIL әдістемесі негізінде: тіл физикадан бөлек емес, физика арқылы үйретіледі.
Әр курстан кейін шешімдері бар PDF, презентация, жазба. Сайттағы есептер банкі мен талдаулар — тегін.
Физика мұғалімдерінің қауымдастығы
Қазақстанның физика мұғалімдері бір топта: идеялармен бөлісеміз, есептер мен әдістемені талқылаймыз, сұрақ қоямыз. Жаңа курстар туралы хабарландыру да алдымен осы топқа шығады. Қосылу тегін.
CERN түлегі
Кім өткізеді
Физика мұғалімі · Олимпиада қазысы · CERN мұғалімдер бағдарламасының түлегі
10 жылдан астам уақыт Назарбаев Зияткерлік мектебінде (A-Level, IGCSE) және International School of Astana мектебінде (IB MYP/DP) физикадан сабақ бердім. Оқушыларды республикалық және халықаралық олимпиадаларға дайындадым, олимпиада қазылар алқасының және команда жетекшісінің құрамында болдым.
Онлайн режимде 3000-нан астам сабақ өткіздім. fiziqaz academy — осы тәжірибені Қазақстан физика мұғалімдерімен бөлісу алаңы.
Қалай өтеді
Әр курстың жеке беті бар: күні, бағдарламасы және бағасы сонда көрсетілген.
Таңдаған беттегі түймені басыңыз — дайын хабарлама ашылады. Жауап ретінде Kaspi төлем сілтемесін аласыз.
Төлемнен кейін орныңыз бекітіліп, қатысушылардың жабық WhatsApp тобына қосыласыз.
Қосылу сілтемесі сабақ алдында топқа келеді. Кейін — жазба және материалдар.
Жиі қойылатын сұрақтар
Қазақстанның физика мұғалімдеріне — мектеп, лицей, гимназия, колледж. Олимпиадаға дайындайтын немесе енді бастағысы келетін мұғалімдерге әсіресе пайдалы. Студенттер мен репетиторлар да қатыса алады.
Онлайн, тікелей эфирде. Қосылу сілтемесі сабақ алдында қатысушылардың жабық WhatsApp тобына жіберіледі. Есептерді бірге талдаймыз, сұрақ қоюға болады. Жазба қатысушыларға сабақтан кейін жіберіледі.
Қазақ тілінде. Материалдар мен презентация да қазақша.
Курс бетіндегі «WhatsApp арқылы тіркелу» түймесін басыңыз — дайын хабарлама ашылады, оны жіберіңіз. Жауап ретінде Kaspi төлем сілтемесін аласыз. Төлемнен кейін орныңыз бекітіліп, қатысушылардың жабық WhatsApp тобына қосыласыз.
Тіркелген барлық қатысушыға жазба мен материалдар жабық топ арқылы жіберіледі — оларды өзіңізге ыңғайлы уақытта қарай аласыз.
